Dje rreth orës 12:00 policia ka marrë një informacion lidhur me prezencën e katër mjeteve shpërthyes, në një fushë në lagjen Matiqan në Prishtinë.
Menjëherë pas marrjes së informacionit policia ka dalë në vendin e ngjarjes dhe ka ndërmarrë të gjitha masat e nevojshme për të siguruar zonën e rrezikut.
Në të njëjtën kohë, në vendngjarje është ftuar edhe njësiti i specializuar për largimin e mjeteve shpërthyese , njësiti për deminim i FSK-së si dhe KFOR-i, të cilët rreth orës 16:00 kanë tërhequr në mënyrë të kontrolluar nga vendi i ngjarjes katër mjetet e dyshimta shpërthyese ( 4 granata dore).
Rasti është hapur, Gjetje e mjetit të dyshuar shpërthyes, në stacionin policor Qendra në Prishtinë dhe po hetohet nga njësiti përkatës./KosovaPress/
