Jonida Maliqi me “Ktheju tokës”, ka mundur që të kualifikohet në finalen e Eurovison.
Këngëtarja shqiptare arriti që të bënte një perfomancë të mirë në mbrëmjen e dytë të Eurovision, duke kënduar para miliona njerëzve.
Kënga e përfaqësueses së Shqipërisë një himn dhe thirrje emigrantëve për të dashur vendet e tyre, u prit me ovacione.
Bashkë me Shqipërinë, mbrëmjen e sotme në përfundim të votimit u kualifikuan edhe Maqedonia e Veriut, Holanda, Suedia, Rusia, Azerbajxhani, Danimarka, Norvegjia, Zvicra, si edhe Malta.
Po ashtu, faqja zyrtare e Eurosong e cilësoi zërin e Jonidës mahnitës dhe interpretimin e shkëlqyer.
