Polici, Bedri Abdullahu, hetues i Krimeve Ekonomike i Rajonit të Prishtinës po dyshohet që gjatë kryerjes së hetimeve ka keqpërdorur pozitën e tij zyrtare duke vënë në presion institucionet dhe kompanitë për interesa të biznesit së tij.
Inspektorati Policor i Kosovës është duke e hetuar Abdullahun për keqpërdorim të detyrës zyrtare.
“Lidhur me këtë rast ju njoftojmë se Departamenti i Hetimeve ka pranuar një informacion lidhur me zyrtarin policor në fjalë dhe se jemi duke i verifikuar këto informacione, për momentin nuk mund të japim informacione më shumë për shkak të integritetit të procedurës hetimore”, thuhet në përgjigjen e Inspektoratit policor dhënë Gazetës Express.
Ndërkohë që Gazeta nga burimet e saja, merr vesh se Abdullahu po hetohet lidhur me dyshimin se ka ai i ka krijuar kompanisë “Santefarm” lehtësi në regjistrimin e barnave dhe në fitimin e tenderëve.
