Imami i njohur nga Shqipëria, Elvis Naçi ka vizituar dje Shkupin me rastin e muajit të Ramazanit, ku u prit nga qytetarë të shumtë, të cilët ndoqën ligjëratën e tij në xhaminë e re të Çairit.
Ardhja e tij në Shkup ka zgjuar interesim shumë të madh. Rrugët që çonin drejt xhamisë ishin të stërmbushura me xhematlinj të cilët kishin ardhur për të ndjekur ligjëratën e imamit, shkruan Portalb.
Hoxha nga Tirana pas faljes së namazit të iqindisë mbajti një ligjëratë para rreth 6 mijë personave.
Gjatë ditës së sotme Elvis Naçi do të jetë i pranishëm në një tribunë në Gostivar.
Tags:imami
