Bordi i drejtorëve të Ujësjellësit “Prishtina” ka zgjedhur për kryeshef të kësaj ndërmarrje Ilir Abdullahun.
Burime të KosovaPress bëjnë të ditur për zgjedhjen e Abdullahut por që zyrtarizimi i tij do të bëhet nesër.
Abdullahu që nga shkarkimi i ish-kryeshefit Gjelosh Vataj ka ushtruar këtë pozitë .
Vataj është shkarkuar në mars të këtij viti me vendim të Bordit të Drejtorëve të Ujësjellësit por edhe me kërkesë të ambasadave të Zvicrës dhe Gjermanisë.
Në arsyetimin e bordit të drejtorëve në lidhje me shkarkimin e Vatajt thuhet se kjo është bërë për shkak të gjeturave të Auditorit në kompaninë publike./KosovaPress/
