Ilia Stefo, i koalicionit Aleanca për Shqipërinë Europiane do te jetë kryetari i ri i bashkisë së Kolonjës.
Stefo i cili kandidonte përballë kandidatit të opozitës, Dritan Hajro mori mbi 2 mijë vota më shumë.
Nëpërmjet një statusi në facebook, Stefo falenderoi të gjithë votuesit, ndërsa tha se tani fillon puna për një Kolonjë më të mirë.
“Rezultat i pastër Rreth 65% e kolonjarëve dhe leskoviqarëve më kanë dhënë detyrën më të bukur, mundësinë për tu shërbyer të gjithëve”.
Nga ana e tij Hajro ka pranuan humbjen, duke uruar fituesin e kësaj gare, Ilia Stefo.
Hajro ishte i zgjedhuri i Aleancës për Punë dhe Dinjitet, por që vinte nga radhët e Partisë Agrare Ambientaliste.
Pjesëmarrja në votim ishte 49.6% të qytetarëve të cilët votuan për të zgjedhur kryetarin e ri të bashkisë.
