Një person nga Fushë Kosova është arrestuar pasi i njëjti ia kishte marrë në shfrytëzim veturën për dy ditë një personi tjetër, duke mos ia kthyer më.
Policia e Kosovës ka njoftuar se kanë arritur ta konfiskojnë veturën dhe të dyshuarin ta dërgojnë në mbajtje për 48 orë.
“Është arrestuar i dyshuari mashkull K/Shqiptar i cili viktimës mashkull K/Shqiptar ia kishte marrë në shfrytëzim veturën me targa vendore për dy ditë dhe më nuk ia kishte kthyer. Vetura është gjetur dhe konfiskuar, ndërsa i dyshuari pas intervistimit me vendim të prokurorit është dërguar në mbajtje për 48 orë”, thuhet në raportin e Policisë.
Sipas organeve të rendit, rasti vazhdon të hetohet nga njësitet përkatëse. /FaktePlus
