Këshilltari për sigurinë kombëtare të Shtëpisë së Bardhë, Herbert Raymond McMaster thotë se potenciali për luftë me Korenë e Veriut po rritet çdo ditë, por konflikti i armatosur nuk është zgjidhja e vetme.
Këto komente ai i bëri gjatë një forumi të mbajtur për çështjet e mbrojtjes, të cilat erdhën tre ditë pasi Koreja e Veriut zhvilloi testin e parë pas dy muajsh të raketave balistike, teste këto që janë në kundërshtim me rezolutat e OKB-së, transmeton KosovaPress.
Raketa e fundit fluturoi më lart se të tjerat që u testuan më parë, para se të binin në ujërat japoneze.
Tensionet janë në ngritje në muajt e fundit për zhvillimin e vazhdueshëm të programit bërthamor dhe raketor, pavarësisht dënimit global dhe sanksioneve ndërkombëtare.
Pheniani kreu provën e parë bërthamore në shtator.
