Shefi i grupit parlamentar të koalicionit LAA, Avdullah Hoti ka paralajmëruar se së shpejti do të thërrasin një tryezë brenda grupit parlamentar, minoriteteve, Vetëvendosjes dhe shoqërisë civile, për të draftuar pyetjet për Gjykatën Kushtetuese.
Sipas tij, kjo tryezë do të shërbej për të sqaruar bazën juridike dhe për t’u dakorduar për aq sa është e mundshme për ndërmarrjen hapave konkret drejt zhbllokimit të themelimit të institucioneve të vendit.
“Grupi jonë parlamentar është duke punuar në organizimi të një debati, tryeze të partive politike të LDK-së, AKR-së, Alternativës, brenda grupit tonë parlamentar. Do të ftojmë Vetëvendosjen dhe të gjitha minoritetet, që të ulemi bashkë sa më shpejt që është e mundshme. Për të sqaruar bazën juridike për këto dy pyetje dhe për t’u dakorduar për aq sa është e mundshme për ndërmarrjen hapave konkret drejt zhbllokimit të themelimit të institucioneve të vendit . Jemi duke e finalizuar një listë edhe të ekspertëve , shoqërisë civile dhe të fushës akademike që do të na ndihmojnë në drejtimin e këtyre pyetjeve dhe ajo që është e nevojshme është ndërtimi i konsensusit mes deputetëve këtu që janë në sallë, mes grupeve parlamentare që janë këtu në sallë për hapat konkret që duhet të ndërmarrim. Tanimë është e qartë se kush e bllokon themelimin e institucioneve të vendit është e qartë Kushtet uta dhe vendimi i Gjykatës Kushtetuese pavarësisht nuk pajtohemi, sa të drejta janë ato vendime.Unë në emër të grupit parlamentar të LDK-së do të ftoj këtë tryezë në ditët e ardhshme do të merrni ftesë zyrtare edhe ju si Vetëvendosje edhe gjithashtu minoritetet për t’u ulur dhe draftuar pyetjet për Gjykatën Kushtetuese. “.,tha Hoti.
