Tre persona të dyshuar janë arrestuar në në fshatin Vajnik të Skenderajt, të cilët pas një zënke, kanë hedhur një granatë dore në oborrin e viktimës dhe të njëjtit kanë shtënë edhe me armë zjarri.
Njësi relevante policore i ishin përgjigjur informacionit të pranuar nga ankuesi F. R., 52 vjeçar, ku fillimisht thuhej se në oborrin e shtëpisë së tij në fshatin Vajnik kishte gjetur një granatë dore të pashpërthyer, ku me të arritur në vendin e ngjarjes Policia vëren se përveç granatës në atë lokacion kishte pas edhe të shtëna me armë zjarri.
“Bazuar në veprimet e para hetimore bëhet e ditur se ngjarja kishte rrjedhë si shkas i një zënke ndërmjet viktimës së rastit dhe tre peronave të dyshuar, ku sipas elementeve rrethanore dhe provave të siguruara, të dyshuarit dyshohet se përveç hedhjes së granatës në oborrin e viktimës të njëjtit kishin shtënë edhe me armë zjarri. Në cilësi të provave materiale në vendngjarje janë gjetur 26 gëzhoja të kalibrit të ndryshëm, ndërsa njësi përkatëse policore për trajtimin e mjeteve të pashpërthyera kanë bërë shpërthimin e granatës në mënyrë të sigurt. Mbi dyshimet e arsyeshme dhe provat e siguruara në cilësi të të dyshuarve janë arrestuar I. A., 50 vjeçar, H. A., 56 vjeçar dhe H. A., 60 vjeçar”, thuhet në njoftimin e Policisë.
Me vendim të prokurorit të çështjes tre të dyshuarve u është caktuar masa e ndalimit policor./KosovaPress/
