Ish-kryeministri i Kosovës, Ramush Haradinaj, ka kërkuar unitet dhe angazhim për shkak të situatës me COVID-19.
Kryetari i Aleancës për Ardhmërinë e Kosovës (AAK), Ramush Haradinaj, ka kërkuar nga të gjitha institucionet shtetërore që të jenë të unifikuar rreth situatës së COVID-19.
Përmes një postimi në profilin e tij zyrtar në rrjetin social Facebook, Haradinaj, ka thënë se situata e krijuar nga koronavirusi kërkon vigjilencë në të gjitha nivelet e institucioneve, përcjell lajmi.net.
Postimi i plotë i Haradinajt, pa ndërhyrje:
Situata e krijuar me COVID – 19 kërkon vigjilencë në të gjitha nivelet e institucioneve.
Këtë situatë duhet ta trajtojmë me seriozitetin më të madh.
Me këtë rast dëshiroj t’i përgëzoj të gjitha institucionet e vendit që me vetëmohim po i ndihmojnë qytetarët.
Kjo situatë kërkon unifikim dhe angazhim të të gjitha instancave shtetërore.
Zbatimi i vendimeve është në shërbim të ruajtjes së shëndetit të qytetarëve.
