Kryeministri i Republikës së Kosovës Ramush Haradinaj, pas takimit me Komisionerin e Bashkimit Evropian Johannes Hanh, ka thënë se Kosova ka përparuar shumë në sundimin e ligjit e që Hanh-it i ka kërkuar që në një afat optimal Kosova të përfshihet në liberalizimin e vizave, raporton “Zëri.Info”
Haradinaj në rrjetin social “Facebook”, po ashtu ka thënë se në këtë takim ka shprehur përkushtimin e Kosovës që të rreshtohet me shtetet e Ballkanit Perëndimor.
“Në takim me Komisionerin e BE-së, Johannes Hahn, shpreha përkushtimin e Kosovës që të rreshtohet me shtetet e Ballkanit Perëndimor në forcimin e paqes dhe bashkëpunimit reciprok, që të përshpejtohet rruga jonë drejt BE-së.
Kosova ka shënuar përparime sidomos në sundimin e ligjit dhe Komisionerit Hahn i kërkova që Kosova të përfshihet në liberalizim të vizave në afat optimal.
RH”, ka shkruar Haradinaj.
