Kreu i Qeverisë së Kosovës Ramush Haradinaj ka pritur në zyrën e tij Kryetarin e Akademisë së Shkencave dhe Arteve të Kosovës Nexhat Dacin. Në një postim pas takimit, Haradinaj ka kërkuar ndihmën e ASHAK’ut.
“Përfshirja e intelektualëve në politikë në momentet e kthesave historike ka pasur rol vendimtar në emancipimin dhe rreshtimin euro-atlantik të shoqërisë sonë. Takova sot Kryetarin e Akademisë së Shkencave dhe Arteve të Kosovës, Nexhat Dacin, me të cilin shkëmbeva ide se si të ecet përpara me unitet, në këtë etapë plot sfida. Mendimi e vizioni i Akademik Dacit në shërbim të promovimit të vlerave më të larta shkencore e njerëzore janë me vlerë të pazëvendësueshme për vendin. R.H” ka shkruar Haradinaj.
