Kreu i Aleancës për Ardhmërinë e Kosovës, Ramush Haradinaj përmes një statusi në rrjetin social Facebook, ka thënë se Policia e Kosovës është institucioni më i besueshëm dhe më profesional në vend.
“Mirënjohës përjetë gjithë pjesëtarëve të PK-së që ranë në krye të detyrës. Ata janë heronjët tanë të paqes. Kujtimi dhe nderimi për ta do të jetë gjithmonë pjesë e rrugëtimit tonë si shtet e si popull”, ka shkruar ai.
Postimi i plotë:
U bën njëzetenjë vite prej kur Kosova u bë me Polici të saj. Mijëra vajza e djem të uniformuar përgjatë më shumë se dy dekada ofrojnë siguri për qytetarët. Policia e Kosovës është institucioni më i besueshëm dhe më profesional në vendin tonë, institucion ky që konsiderohet model për edhe për vendet e rajonit.
Mirënjohës përjetë gjithë pjesëtarëve të PK-së që ranë në krye të detyrës. Ata janë heronjët tanë të paqes. Kujtimi dhe nderimi për ta do të jetë gjithmonë pjesë e rrugëtimit tonë si shtet e si popull. /Lajmi.net/
