Kryeministri i Kosovës Ramush Haradinaj, vlerësoi lart kontributin e shoqërisë civile në zhvillimin e vendit, por kërkoi nga ata që të jenë të pavarur, të ruajnë privatësinë, ngase siç tha ai nuk i pëlqen përkëdhelja.
Haradinaj në kryesimin e Këshillit për zbatimin e Strategjisë Qeveritare për Bashkëpunim me Shoqërinë Civile, tha se nëse të gjithë i kryejnë detyrat e veta, Kosova mund të shënojë një përparim të shpejtë, ose një zbatim të shpejtë të MSA-së e po ashtu që Kosova të kalojë në status të kandidatit për Bashkimin Haradinaj: MSA sjell dhe liberalizimin e vizave
“Nëse të gjithë ne i kryejmë detyrat e shtëpisë, kam besim të madh që Kosova mund të shënoj një përparim të shpejtë, ose një zbatim të shpejtë të MSA-së. Mundemi të kalojmë në status të kandidatit. Njëkohësisht zbatimi i MSA-së është vetvetiu materia që e bjen liberalizimin e vizave. Ne e dimë që është i lidhur liberalizimi dhe me shënjimin e kufirit me Malin e Zi. Mirëpo, për ketë temë do të përdorim standarde që krejt bota i ka. Një marrëveshje që nuk e kanë ratifiku dy Parlamente nuk është marrëveshje e përmbyllur, mbetet projekt marrëveshje. Procedurat e gjetjes së fakteve që i nxjerr komisioni ynë shtetëror prapë është procedurë, standard kjo që e vërteton se si ka shkuar një proces paraprak. Dhe pastaj ne nuk duhet të bëjmë ndonjë zbulim, ka procedura qysh trajtohen këto tema mes shteteve , qofshin dhe anëtare të NATO-s, qoftë të dyja… Qoftë njëni aspirant me u anëtarësu në B E siç është rasti ynë“, tha Haradinaj.
Haradinaj po ashtu tha se Kosova ka shumë sfida, e një ndër to përmendi korrupsionin. Ndërsa theksoi se Kosova, do ta ketë vështirë të marrë statusin e kandidatit vetëm me perceptim, por nevojitet substancë.
“I kemi disa sfida si vend. Nuk është e tepërt me thanë, Kosova vlerësohet me shkallë të lartë të korrupsionit. Një korrupsion që vlerësohet endemik, që ka përfshirë jetën tonë. Pastaj vlerësohet me një qeverisje deri tani të paktën që është vetëm në nivelin e parë, por që zbatueshmëria, është kritikë që e marrim nga të gjithë akteret. Zbatueshmëria e ligjeve, normave që ne kemi rënë dakord, nuk ndodh deri tek pala te qytetari, deri tek atij që i kushtohet tema. Këtë do ta ndryshojmë së bashku. Një mungesë e transparencës, së atyre që janë në funksione, e panevojshme, e pa shpjegueshme, pse duhet me ndodh. Një mospërfillje e të tjerëve e palëve, nga ata që mbajnë funksione publike. Edhe kjo hetohet dhe kritikohet. Për këtë nuk kem pse në Kosove me qenë kështu. Duhet të jemi dhe të kujdesshëm. Një marcenarizëm jo ligjor, jo kushtetues, jo parimor. Ekziston në meset tona dhe kësaj duhet t’i ruhemi si Kosovë. Avancimi i Kosovës drejtë BE-së nuk është vetëm perceptim. Zor do ta kemi me shit veç raporte. Ka me na u nevojit shumë dhe substanca që e kemi në vend”, tha ai./KP
