Nënkryetari i Kuvendit të Kosovës, Xhavit Haliti, iu është kundërpërgjigjur deklaratave të opozitës që brenda koalicionit qeverisës ka krizë, duke thënë se nuk ka dëgjuar që ka probleme.Këto komente ai i ka bërë pas mbledhjes së Kryesisë së Kuvendit të Kosovës, raporton Ekonomia Online.“Zgjedhjet e parakohshme bëhen kur nuk ka kuorum dhe kur prishet koalicioni.
Gjithmonë kemi pasur deputetë të mjaftueshëm për votimin e projektligjeve dhe nuk ka pasur sabotim”, ka thënë Haliti.Ndërsa për kthimin e Listës Serbe në Kuvendin e Kosovës pas gjashtë muajsh ai tha se është sukses për Parlamentin e Kosovës.
“Ata mund t’i përfaqësojnë interesat e serbëve vetëm duke qenë në institucione. Shpresoj se ata duhet ta dinë që jetën e kanë këtu dhe duhet të bashkëpunojnë”, ka thënë ai.Haliti ka treguar se i kanë ndarë mbledhjet në dy seanca njëra të enjten ku do të shqyrtohen projektligjet.
Ndërsa për të premten do të ketë dy interpelanca dhe një debat.Ndërsa interpelanca e kryeministrit Isa Mustafa është shtyrë.
