Edhe këtë vit rrjeti i grave në Kosovë me rastin e ditës së 8 Marsit do të organizojë marshin “Marshojmë s’festojmë”, me qëllim të kundërshtimit të pabarazive gjinore.
Nga kjo organizatë kanë thënë se nuk kanë arsye për të festuar dhe se do të kundërshtojnë dhe luftojnë papunësinë dhe varfërinë që, siq thanë ato, është formë e dhunës strukturore.
Duke filluar nga ora 12:00 do të mblidhen protesuesit tek sheshi Zahir Pajaziti, duke parakaluar rrugëve kryesore të kryeqytetit.
Gjithashtu është bërë e ditur se do të vazhdojnë me grevë, protestë dhe rezistencë politike ndaj padrejtësive patriarkale dhe shoqërore.
“Gratë dhe të gjithë që ndihen të shtypur nga stereotipet gjinore, do të dalim në grevë dhe do të refuzojmë të punojmë. Do të dalim nga kuzhinat, univesitetet, shkollat, dhomat e gjumit, fabrikat, spitalet dhe zyret. Do hyjmë në grevë për të gjithë punën e shumfishtë që e bëjmë të paguar dhe të pa paguar” thuhet në njoftim.
