Gjenerali i pensionuar i Ushtrisë Jugosllave (VS), Vladimir Lazareviç, është duke mbajtur të enjten leksionin e tij të parë në Akademinë Ushtarake në Beograd.
Lazareviç ishte një ish-komandant i Trupave të Prishtinës dhe Ushtrisë së Tretë të VJ-së, i cili u shpall fajtor nga Tribunali i Hagës për përgjegjësinë komanduese për krimet e luftës në Kosovë, raporton “b92”, transmeton Periskopi.
Sipas të përditshmes “Vecernje Novosti”, ai deklaroi se ishte një nder që ai të jepte mësim në akademi.
“Unë asnjëherë nuk u fsheha gjatë agresionit të NATO-s (1999) dhe nuk po fshihem tani. Kur shoh se kush po kritikon angazhimin e ish gjeneralëve të UJ-së (si lektorë), gjithçka më bëhet e qartë: qeni leh, …, “, tha Lazareviç.
Sipas një artikulli të botuar në gazetë, përveç Lazareviçit, lektorë të tjerë të rinj do të përfshijnë gjeneralin në pension dhe anëtarin e Partisë Radikale Serbe, Bozidar Deliç dhe shefin e tanishëm të Shtabit të Përgjithshëm të Ushtrisë së Serbisë, Ljubisha Dikoviç.
“Reuters” raportoi gjithashtu për Lazareviçin dhe punën e tij të re në një artikull të titulluar “Krimi i Luftës ose modeli i rolit? Është një vijë e hollë në Serbi”.
“Ku një dënim për krime lufte mund të llogaritet si një minus në shumicën e vendeve, në Serbi është bërë një nder i nderit”, tha agjencia “Reuters”.
Ministri i Mbrojtjes Aleksandar Vulin gjithashtu hapi një debat kundërthënës duke thënë se gjeneralët dhe zyrtarët e lartë që kishin role komanduese gjatë konfliktit në Kosovë, përfshirë Lazareviçin, ishin “njerëz të jashtëzakonshëm”.
Ndër ata që reaguan ndaj kësaj deklarate ishte ambasadori i SHBA-së Kyle Scott, i cili në Tëitterin e tij personal shkruajti, “Ministri serb i Mbrojtjes përgëzon një kriminel të dënuar të luftës”./Periskopi/
