Një anije e shpejtë është fundosur në ishullin indonezian Borneo, duke i mbytur të paktën 10 persona, ndërsa raportohet se disa të tjerë janë zhdukur, njofton policia dhe zyrtarët indonezianë.
Agjencia kërkim-shpëtim e Indonezisë ka thënë në një komunikatë se 40 persona besohet se ishin në bordin e anijes në kohën kur ajo u fundos, transmeton Express.
“Momentalisht, numri i personave në bord ende është një vlerësim. Mund të ketë persona që nuk janë kanë në listë. Po presim për njerëz që mund të raportohet si të zhdukur nga familjarët e vet,” ka thënë një zyrtar i ekipit kërkim-shpëtim.
Disa aksidente kanë ndodhur në ujërat mes Indonezisë dhe Malajzisë./Express/
