Instituti Hidrometerologjik i Kosovës (IHMK) ka njoftuar se java e parë e stinës së verës pritet të vijojë me kushte të paqëndrueshme meteorologjike, por që nga mesi i javës grafiku në fushat termike do të shënojë ngritje, bashkë me presionin atmosferik.
Reshjet e shiut, sipas IHMK-së, do të vazhdojnë edhe gjatë kësaj jave, kryesisht të hënën dhe të martën, por me episode të shkurta dhe duke mos e përfshirë gjithë territorin.
Në sasi do të ketë më pak reshje se java që po e lëmë.
Këtë javë temperaturat minimale pritet të lëvizin ndërmjet 12-14 gradë Celsius, ndërsa maksimalet e ditës parashihen të lëvizin ndërmjet 20-27 gradë Celsius.
Do të fryjë erë kryesisht nga veriperëndimi me shpejtësi 1-8 m/s.
