Presidenti i Turqisë, Recep Tayyip Erdogan, ka thënë se i mirëpret lajmet se lufta kundër Shtetit Islamik (ISIS) në Mosul është drejt fundit, por ka theksuar se dikur qyteti i pasur me naftë është lënën nën rrënoja.
Erdogan i bëri këto komente në Kongresin Botëror të Naftës sot në Stamboll, transmeton Express.
Ai ka pyetur po ashtu se kush do të paguajë për rindërtimin e rajonit.
“Turqia është shumë e lumtur për lajmin se po i vjen fundi betejës së Mosulit, por pika në të cilën ka arritur Mosul është shumë e rëndësishme,” ka thënë lideri turk.
Erdogan ka shtuar: “Kemi mbetur me një Mosul nën rrënoja.”
Ai e ka shtruar edhe pyetjen: “Kush do ta plotësojë koston e rindërtimit të Mosulit për popullin e Mosulit.”/Express/
