Presidenti i Filipineve Rodrigo Duterte deklaroi sot se politikat e tij nuk synojnë ndërprerjen e marrëdhënieve me Shtetet e Bashkuara, por kërkojnë të garantojnë që vendi i tij nuk u nënshtrohet interesave amerikane.
“Kjo nuk është prishje e marrëdhënieve”, deklaroi Duterte në një konferencë shtypi, pas rikthimit nga një vizite shtetërore katërditore në Kinë, ku, gjatë një fjalimi para biznesmenëve filipinas dhe kinezë, pati shpallur “një ndarje nga Shtetet e Bashkuara”.
“Shkëputje e marrëdhënieve do të thotë të prishësh marrëdhëniet diplomatike. Këtë s’mund ta bëj”, shtoi ai. “Përse? Sepse është në interesin më të mirë të vendit tim, që t’i mbajmë këto marrëdhënie”.
Tags:Duterte
