Lëvizja Vetëvendosje ka bërë të ditur se do të kandidojë Driton Çaushin për kryetar të Gjakovës në zgjedhjet lokale që do të mbahen më 22 tetor në vend.
“Aktivistët e Gjakovës e kanë zgjedhur deputetin e Republikës Driton Çaushin për kandidat për kryetar të Gjakovës. E urojmë z. Çaushi, të gjithë aktivistët dhe qytetarët e Gjakovës”, thuhet në njoftimin e VV-së.
Kujtojmë se partitë politike kanë afat edhe 48 orë për të dorëzuar listat e kandidatëve për zgjedhjet e 22 tetorit në Komisionin Qendror Zgjedhor./KosovaPress/
