Pas gjysmë ore vonesë nisi seanca në Kuvendin e Kosovës, e cila u ndërpre disa minuta pas fillimit.
Kryeparlamentari Kadri Veseli ndërpreu seancën, pasi deputetët refuzuan të votonin. Ai bëri të ditur se do të mbledhë kryesinë në mënyrë që të zgjidhet çështja e bojkotit.
Në sallë ishin 83 deputetë, ndërsa seanca nisi me pikat e rendit të ditës të papërfunduara nga seancat paraprake të mbajtura më 19 qershor dhe 23 korrik.
Ndër pikat e rendit të ditës për seancën e sotme është edhe debati parlamentar për dialogun me Serbinë.
