Ambasadori i SHBA-ve në Prishtinë, Greg Delawie, ka deklaruar të premten se Kosova nuk duhet të bëjë lëvizje pa partnerët kyç.
Ai në rrjetin Twitter ka shkruar se SHBA beson se siguria e Kosovës varet nga kualiteti i partneriteteve të saj.
“Ne nuk duam ta shohim Kosovën të pakoordinuar me partnerët kyç të saj”, ka thënë ambasadori amerikan.
Deklarata e diplomatit amerikan vjen pasi presidenti i Kosovës Hashim Thaçi tha se do të japë dorëheqje nëse nuk kalon ligji për ushtrinë e Kosovës./KosovaPress/
