Ministri i Jashtëm serb, Ivica Dacic, tha se Serbia pret dhe insiston që në raundin e ardhshëm të dialogut me Prishtinën në tryezë të jetë edhe formimi i Bashkësisë së Komunave Serbe (BKS).
“Serbia është gjithmonë për dialog, sepse kjo është mënyra e vetme për të ulur tensionet. Prandaj, është e dobishme që edhe Brukseli është përfshirë kur Kryeministri, Aleksandar Vucic, ka biseduar me Federica Mogherini në Davos, dhe që raundi i ardhshëm i bisedimeve ndërmjet Beogradit dhe Prishtinës tashmë është planifikuar me 24 janar”, deklaroi Dacic për agjencinë ruse Sputnjik, raporton Gazeta Express.
Ai rikujtoi se Prishtina gjatë dialogut u zotua për të lejuar krijimin e BKS.
“Ne po i përmbushin detyrimet tona”, përfundoi Ministri i Jashtëm serb.
