Gjykata Themelore në Maqedoni informon se për lëndët e Prokurorisë Speciale Publike “Target”, “Titanik” dhe “Fortesa” u janë caktuar gjykatësit Ivica Stefanovki dhe Goran Boshevski.
Përcaktimi është bërë në bazë të sistemit elektronik të udhëheqjes së lëndëve nga ku kërkohet edhe përcaktim i masës për paraburgim.
Lëndët janë dorëzuar për punë në Këshillat për Krim, të cilët duhet të njoftojnë për kërkesat e PSP-së. Nga Gjykata bëjnë të ditur se për të gjitha këto lëndë, opinioni do të njoftohet me kohë menjëherë pasi që të merret vendimi sot.
Në këto raste të dyshuar janë lideri i VMRO-DPMNE-së, Nikolla Gruevski dhe ish drejtori i Drejtorisë për Siguri dhe Kundërzbulim, Sasho Mijallkov. Në këto lëndë PSP kërkoi paraburgim për Gruevskin dhe Mijallkovin.
