Numrat e rasteve të koronavirusit në Mbretërinë e Bashkuar kanë filluar të rriten përsëri.
Mesatarja shtatë ditore e rasteve ditore është rritur përsëri – duke arritur në 1,735 rezultate pozitive për një ditë në kërcimin më të madh të muajit, shkruan Daily Mirror, transmeton lajmi.net.
Hera e fundit që rastet ditore ishin aq të larta ishte në qershor, para se të lehtësoheshin kufizimet e mëdha izoluese.
Sidoqoftë, në atë kohë numri i vdekjeve ditore ishte relativisht shumë më i lartë.
Njëmbëdhjetë nga 13 vdekjet e sotme ndodhën në Angli, njëra u regjistrua në Skoci, një në Irlandën e Veriut dhe teksa në Uells nuk kishte vdekje të tjera.
Numri i përgjithshëm i të vdekurve në të gjithë vendin është tani 41,514 në të gjitha mjediset, duke përfshirë spitalet, shtëpitë e kujdesit dhe komunitetin e gjerë.
