Avokati Besnik Berisha ka thënë se Prokuroria Themelore në Prishtinë, Departamenti për Krime të Renda, është duke zhvilluar hetime kundër ish-prokurores së EULEX-it, Marie Bamieh.
Sipas tij, Bamieh “dyshohet për shpërdorim të pozitës zyrtare derisa ishte prokurore në EULEX dhe po ashtu, në mes të tjerash, edhe për një hetim jo objektiv dhe të njëanshëm në rastin e Ilir Tolajt dhe Bujar Bukoshi”.
“Hetimi është iniciuar si rezultat i kallëzimit penal të ushtruar nga Tolaj”, ka thënë Berisha, teksa ka shtuar se as “EULEX e as Prokuroria nuk ka njoftuar askënd, me qellim të siç thonë ata ‘ruajtjes se imazhit të misionit’”.
