Deputeti Ismet Beqiri ka thënë se përkundër faktit që kishte vullnetin, gatishmërinë dhe përkrahjen e shumicës së strukturave të LDK-së në Prishtinë për të qenë kandidat i kësaj partie për kryetar të Prishtinës, i vie keq që pas një votimi të fshehtë për herë e parë në kryesinë e LDK-së, nuk e ka mundësinë të garojë, të fitojnë dhe të ishte në shërbim të Prishtinës dhe qytetarëve të saj.
Postimi i Beqirit:
Të dashur qytetarë të Prishtinës,
Të respektuara struktura të Degëve dhe Nëndegëve të LDK-së në Prishtinë
Dëshiroj qe publikisht të ju falenderoj për mbështetjen që më keni dhënë të jem Kandidat i mundshëm për Kryetar të Prishtinës,të jem zëri juaj përfaqësues nga rradhët e LDK-së.
Veçmas falenderoj Degën e I-rë,Nëndegët,Forumin e Gruas,Forumin Rinor dhe anëtarsinë e Degës time,që kanë bërë propozimin për Kandidat.
Po ashtu falenderoj edhe strukturat e 4 Degëve dhe Nëndegëve tjera të Prishtinës.
Përkundër faktit që kisha vullnetin,gatishmërinë dhe përkrahjen e shumicës së strukturave të LDK-së në Prishtinë,më vjen keq që pas një votimi të fshehtë,(hera e parë në Kryesinë e LDK-së)nuk e kam mundesin të garoj,të fitojm dhe të isha në shërbim të Prishtinës dhe qytetarëve të saj,ashtu siç kam bërë vite më parë si Kryetar i Prishtinës.
Unë vazhdoj të jem një anëtarë i përkushtuar dhe i devotshëm i LDK-së së Ibrahim Rugoves,i Degës së I-rë Kodra e Trimave(e di qe jeni lënduar,zhgenyer e shqetësuar,por edhe këtë situatë duhet ta tejkalojm bashkë,për hirë të LDK-së).
Do të punoj ashtu siç kam punuar për 27 vite për të mirën e LDK-së,për suksesin e LDK-së,përkundër sfidave që i kam pasur dhe mund ti kem.
Do të punojm si gjithmonë dhe dashtë zoti të kemi rezultate pozitive edhe në këto zgjedhje të 22 Tetorit,ta fitojm Prishtinën tonë dhe shumë Komuna të tjera.
