Kreu i PD-së, Luzlim Basha ka reaguar në lidhje me procesin zgjedhor që do të mbahet më 18 qershor në Shqipëri, ku sipas një letre të OSBE/ODHIR është vonë për aplikimin e numërimit dhe votimit elektronik.
“Ka një mënyrë qe të mos vidhen zgjedhjet dhe të respektohet vota e qytetarëve: votimi dhe numërimi elektronik. Është i thjeshtë, i pamanipulueshëm, i provuar dhe plotësisht i realizueshëm dhe me kosto më të ulët se sistemi që kemi. Votimi elektronik zgjidh shumicën e problemeve që kemi patur përherë me zgjedhjet. Zgjedhje të ndershme pa votim elektronik mund të ketë aq sa ka sot shëndetësi falas. Të besosh tek Edi Rama për zgjedhje të ndershme pa votim elektronik është njësoj sikur t’i besosh fjalëve të Edi Ramës se Elvis Rroshi është i pastër dhe i ndershëm”, thotë Basha. /Gazeta Express/
