Komisioneri për Migracion dhe Punë të Brendshme të BE-së, Dimitris Avramopolous ka deklaruar se kilometri i fundit për të lëvizura pa viza në Evropë, nuk do të zgjasë më shumë.
Ai ka thënë se muajve të fundit, së bashku me Qeverinë e Kosovës kanë punuar për t’i tejkaluar pengesat e fundit që nuk janë arritur ende, në mënyrë që të arrijmë atë moment ku qytetarët e Kosovës t’i gëzojnë të drejtat dhe t’i gjejnë dyert e hapura për të lëvizur pa viza në Evropë.
Avramopolous këto komente i bëri gjatë takimit me ministrin e punëve të jashtme, Enver Hoxhaj, i cili ka kërkuar edhe vendim pozitiv në javët që vijnë sapo të përmbushen këto kritere./KosovaPress/
Tags:vizat
