Nga Komuna e Novobërdës e deri në rrugën kryesore, në magjistralen Gjilan-Prishtinë, qytetarëve iu duhet të bëjnë 13 kilometra në këmbë, pasi që tash e tre muaj në këtë komunë nuk ka autobusë.
Dihet që në Komunën Novobërdës, veç banorëve shqiptarë ka edhe banorë serbë e romë, por fatin e njëjtë sikur romët e shqiptarët që të bëjnë në këmbë 13 kilometra rrugë, e që shpeshherë presin edhe mëshirën e atyre që udhëtojnë me veturë, nuk po e kanë edhe komuniteti serbë, pasi që ekziston autobusi për këtë komunitet, thonë burime të KosovaPress.
Banorët e Komunës së Novobërdës të cilët nuk deshën që të prononcohen para kamerave i kanë thënë KosovaPress, se autobusi po ekziston për serbët, por jo edhe për shqiptarët e romët.
Megjithatë, një transport ekzistues për komunitetin pakicë, serbët, e ka mohuar për KosovaPress kryetari i kësaj komune, Svetisllav Ivanoviq.
Në zyrën e kryetarit, Svetisllav Ivanoviq u pa Sanije Jashari, banore e fshatit Boston nga Komuna e Novobërdës, e cila kishte shkuar që të kërkojë nga kryetari t’i bëhet një zgjidhje për transport.
Por kontakti me kryetarin për Sanijen qe i pa mundur. Kështu i tha KosovaPress-it, Sanije Jashari pasi doli nga zyra e kryetarit.
Ajo tha se jeta në këtë komunë për banorët po shndërrohet në burg.
“Ju kisha bo apel me shku te kryetari edhe te kryetari Bajrushi te të tjerët që janë, me na lëshu një autobus se jemi të izoluar, sikur me qenë në burg. Autobus nuk kemi, nuk kemi me çka me marrë socialin, e as me ble asgjë, as ilaçe, as te mjeku, e asgjë…Unë isha te kryetari, ka mbledhje, nuk kam rend me hy brenda. Jemi që një vit pa autobus, kurrë kështu nuk ka qenë, prej që e mbaj mend unë, çka duan të na bëjnë në këtë Novobërdë pa autobusë, pa barna, pa mjekë, katastrof’, tha Sanija.
Të njëjtin hallë e pati edhe Hafiz Jashri. Ai tha për KosovaPress tha se nëse dikush sëmuret nuk kanë si ta dërgojnë te mjeku.
“Është problemi këtu te na, autobusë nuk ka, mjekë nuk ka, ambullanta nuk ka, fëmija po sëmuren nuk kemi si me i dërgu fëmijët te mjeku…këto probleme i kemi që moti, prej kur që ka dal Bajrushi, as autobusë… neve komunitetin romë vetëm fjalë po na japin, e asgjë nuk po punohet”, ka treguar Jashari.
Ivanvoiq për KosovaPress tha se kjo nuk është e vërtetë dhe nëse do të ekzistonte një transport, atëherë do të përdorej nga të gjithë banorët.
Ndërsa, sa i përket transportit humanitar, Ivanoviq tha se i ka përfunduar kontrata, ku ka shtuar se ka biseduar me Ministrinë e Transportit, por që kjo e fundit e ka marrë një ankesë nga operatori, por ai shprehet se kjo çështje do të rregullohet shpejtë.
I pyetur se pse po ekziston linja e autobusit vetëm për qytetarët serbë, i pari i Komunës së Novobërdës, tha se nuk ekziston një transport vetëm për serbët.
“Nuk e di kush çka ka fol ashtu, mirëpo transporti kur ekziston këtu Prishtinë-Novobërdë për të gjithë është që udhëtojnë, nuk ka ndarje. Unë do kisha një dëshirë që kur të fillon ai transport të jeni këtu dhe ta shikoni se kush hyn aty”, tha Ivanoviq.
Mos ekzistimin e autobusëve vetëm për serbët, nuk po e thotë edhe nënkryetari i Komunës së Novobërdës, Bajrush Ymeri.
Ymeri ka treguar se vite më parë ka qenë transporti humanitar të cilin e kanë përdorur shqiptarët, serbët dhe romët, ku ka theksuar se ky transport ka ofruar komunitetet mes vete.
Ymeri tregoi për KosovaPress, se autobusët të cilët bartin qytetarët serbë, kanë shoferët shqiptarë.
“Për momentin janë duke operuar autobusët për komunitetin serbë, dy herë, tri herë në ditë por ata ekskluzivisht bartin vetëm qytetarë të komunitetit serb dhe kjo është për keqardhje dhe është shqetësuese. Shoferët janë shqiptar që bëjnë transportin dhe ia ndalojnë qytetarëve shqiptar, ju thonë se ju nuk keni të drejtë ta shfrytëzoni këtë transport sepse ky transport është vetëm për komunitetin pakicë. Nuk iu lejohet qytetarëve shqiptar që të shfrytëzojnë atë transport edhe pse kanë mundësi nganjëherë që të shfrytëzohet. Nuk iu përshtaten vija ndoshta shumë por megjithatë, ndonjëherë mundet me iu përshtat ndonjë por iu ndalohet”, tha ai.
Kompania që sipas Ministrisë së Infrastrukturës ka dal më e lira, është ankuar në OSHP, dhe se pritet një vendim nga OSHP, e që nënkryetari Ymeri po shpreson që vendimi të jetë pozitiv, pasi që siç tha ai, në rast se vendimi është negativ, atëherë procedurat do të shtyhen, kurse, pasojat do t’i bartin vetëm qytetarët./KP
