Goditet një tjetër rast i tentativës për të trafikuar lëndë narkotike, duke bërë që të vihet në pranga “Maradona” i Shqipërisë dhe një vajzë e re.
Gjatë orëve të vona të mbrëmjes së djeshme, e premte, policia kufitar e Muriqanit, në Shkodër zbuloi 21 kilogramë lëndë narkotike në tentativë për t’u trafikuar.
Si posedues të saj u arrestuan në flagrancë Maradona Bega 23 vjeç dhe Dornela S., 26 vjeçe, banues në Tiranë.
Arrestimi i tyre u bë pasi në dalje nga territori Shqipërisë në Muriqan në mjetin tip Benz, me targë AA 479 HM, në pronësi të Begës, policia kufitare gjeti të fshehur në mjet 21 kilogramë drogë.
Ndaj dy të dyshuarve hetimet janë në vijim, ndërkohë që për ndjekje të mëtejshme materialet iu referuan Prokurorisë për Krimet e Rënda Tiranë, për veprën penale të “Trafikim i narkotikëve” kryer në bashkëpunim i mbetur në tentativë.
