Policia e Kosovës ka arrestuar tre persona në flagrancë, shtetas të Shqipërisë, njofton Klan Kosova.
Arrestimi ka ndodhur rreth orës 23:00 të shtunën në fshatin Malësi e Re në Prizren.
Zëdhënësi i policisë për rajonin e Prizrenit, Hazir Berisha, ka treguar për Klan Kosovën se tre të arrestuarit kanë provuar të plaçkitin një shtëpi në këtë fshat, por ata kanë hasur në vëllanë e pronarit të shtëpisë, të cilin e kanë sulmuar duke i shkaktuar lëndime trupore dhe i kanë marrë edhe kuletën.
I lënduari tani po trajtohet në spitalin e Prizrenit.
