Kisha më e madhe në Houston të Amerikës ka mbyllur dyert pas uraganit Harvey, i cili ka shkaktuar përmbytje katastrofike dhe detyroi mijëra njerëz të largohen nga shtëpitë e tyre.
Në një njoftim në Facebook, pastori i Kishës Lakewood, Joel Osteen, tha se kisha është mbyllur për shkak të stuhisë dhe kërkon që njerëzit të luten për ata që ishin prekur, raporton The Independent.
“Kisha e Lakewood është e paarritshme për shkak të përmbytjeve të mëdha! Ne duam të ndihmojmë të sigurohemi që jeni të sigurt” , thuhet në post.
Por, shumë njerë u përgjigjën me mjaft skepticizëm në këtë postim të pastorit, duke pyetur pse një nga kishat më të mëdha në SHBA, me 16.000 vende, nuk është në gjendje të shtroj viktimat e Harvey, transmeton IndeksOnline.
Emily Timbol, një autor që ka shkruar në mënyrë kritike pikëpamjet homofobike midis të krishterëve konservatorë, shkroi: “Nuk ka kuptim pse nuk po hapni kishën tuaj për të strehuar qytetarët e Hjustonit, më ndihmoni ta kuptoj këtë. Jesus. ”
“Turp për Joel Osteen. Jesuzi do të hapte dyert dhe do të kujdeses për nevojtarët” , shkruan një tjetër person i indinjuar me vendimin e pastorit.
Të tjerët kritikuan televangjelistin Osteen për mos hapjen e shtëpisë së tij prej 10 milionë dollarësh në zonat e pasura të lumit Oaks, për ata që kërkonin strehim të dëshpëruar.
Të tjerë theksuan se xhamitë në rajon janë ende të hapura dhe u ofrojnë strehim njerëzve, përfshirë 21 qendrat e Shoqërisë Islame të Houston-it.
Nëse keni shkuar në kishën @ JoelOsteen për strehim dhe e keni gjetur të mbyllur, mos u shqetësoni, Shoqata Islame e 21 xhamive në Greater Houston janë të hapura” , shkruan në Tëitter personi me llogarinë @altNOAA.
Ndërsa stuhia tropikale Harvey goditi Teksasin me përmbytje shkatërruese, një grup muslimanësh të rinjë kan dalur në rrugë për të ndihmuar fqinjët e tyre.
Më shumë se 200 anëtarë të “Rinisë Muslimane në SHBA” dhe 40 anëtarë të “Shoqatës së Rinisë Muslimane Ahmedyya” , dhanë ushqime, ujë dhe furnizime të tjera në Houston, sipas organizatorëve. /IndeksOnline/
