Ambasadori i Mbretërisë së Bashkuar në Kosovë, Nicholas Abbott, në 21 vjetorin e çlirimit të Kosovës, ka thënë se është krenar që ushtarët Britanikë vazhdojnë të mbështesin paqen në Kosovë dhe rritjen e FSK- së, shkruan Agjencia e Lajmeve FaktePlus.
“Jam krenar që ushtarët Britanikë vazhdojnë të mbështesin paqen në Kosovë dhe rritjen e Forcës së Sigurisë së Kosovës, si edhe per rolin që Martin luan sot si këshilltar i Komandantit të FSK-së.”, ka thënë Abbot.
Abbot gjithashtu ka thënë se Mbretëria e Bashkuar dhe Kosova do të mbesin miq dhe parnerë të ngushtë.
Sot, në 21 vjetorin e hyrjes së trupave të NATO-s në Kosovë në vitin 1999, pata nderin e madh që së bashku me nënkolonelin Martin Browning të vendosim lule në memorialin për ushtarët e NATO-s të rënë në Kosovë në vitin 1999. Martini ishte mes trupave të para Britanike që hynë në Kosovë 21 vjet më parë, kështu që ky ishte një moment i veçantë për të, që i rizgjoi kujtime të atyre ditëve vendimtare. 21 vjet më vonë, Mbretëria e Bashkuar dhe Kosova mbeten miq dhe partnerë të ngushtë.”, ka shkruar Abbot./FaktePlus
