“Edi Rama të shkarkojë menjëherë kryetarin e bashkisë së Durrësit Vangjush Dakos, si personin përgjegjës për lirimin e Lulzim Berishës”.
Me këto fjalë kryetari i Partisë Demokratike Lulzim Basha i është drejtuar thirrjes për kryeministrin Rama në lidhje me lajmin e bërë publik, ku në vendimin e gjykatës për lirimin e “të fortit të Durrësit”, saktësohet se është Bashkia e Durrësit që garanton punësimin e tij.
Pas mbledhjes me drejtuesit e PD-së në Durrës, Basha tha para mediave, se ky është një tjetër rast ku tregohet se krimi dhe pushteti janë bërë bashkë. Më tej kreu i demokratëve shtoi se kjo situatë po e bën edhe më jetike nisjen sa më parë të dekriminalizimit.
Sipas Bashës, kryeministri duhet të urdhërojë menjëherë shkarkimin e kryebashikakut Dako, ndërsa i bëri thirrje Prokurorit të Përgjithshëm që të nisë sa më parë hetimet.
“Këshilltarët dhe deputetë demokratë të bashkisë së Durrësit kanë vendosur t’i kërkojnë Kryeministrit, shkarkimin e menjëhershëm të Vangjush Dakos dhe i kërkojnë sot Prokurorit të Përgjithshëm të nisë hetimet për konspiracion kriminal.” tha Basha
Ditën e djeshme u bë publik vendimi i Gjykatës së Apelit ku në të thuhej se ishte Gjykata e Durrësit që jepte garanci për punësimin e Lulzim Berishës.
