Kryeministri në detyrë i Kosovës, Ramush Haradinaj, e ka kujtuar mëngjesin e sotëm Ismail Qemalin në 101-vjetorin e vdekjes së tij.
Haradinaj tha se Qemali nuk ishte vetëm burrë shteti, por themelues i Shqipërisë.
“Kur përmendet emri i tij, kujtojmë Plakun me flamur në dorë. Ismail Bej Vlora, nuk ishte vetëm burrë shteti. Ai ishte themelues i Shqipërisë. Zemra e tij e madhe, pushoi së rrahuri 101 vite më parë, por ajo rrah në secilin prej nesh. Lavdi!”, ka shkruar Haradinaj.
