Ministri në detyrë i Arsimit, Shkencës dhe Teknologjisë, Shyqiri Bytyqi është takuar sot në Tiranë me homologen e tij nga Shqipëria, Besa Shahini.
Gjatë këtij takimi është biseduar për thellimin e bashkëpunimit në të gjitha nivelet në arsim dhe shkencë mes dy vendeve.
Ata theksuan bashkëpunimin e mirë që ka ekzistuar deri më tani, ndërsa theksuan se ka hapësirë për bashkëpunim edhe më të madh në shumë segmente.
Gjatë këtij takimi, Bytyqi dhe Shahini u pajtuan se një bashkëpunim më i madh mes Kosovës dhe Shqipërisë do të ndikojë që të dy shtetet të ofrojnë arsim sa më cilësor për fëmijët dhe të rinjtë.
