Jeff Bezos dhe MacKenzie kanë njoftuar ndarjen e tyre.
Njeriu më i pasur në botë, Jeff Bezos dhe MacKenzie të cilën ai e kishte grua prej 25 vitesh i kanë dhënë fund martesës, transmeton lajmi.net.
“Ne duam që njerëzit të dinë për një zhvillim në jetën tonë. Ndërsa familja jonë dhe miqtë e inë, pas një periudhe të gjatë bashkë, ne kemi vendosur të divorcohemi dhe të vazhdojmë jetën si miq”, ka thënë Jeff në një deklaratë.
“Ne ndihemi jashtëzakonisht me fat që kemi gjetur njëri-tjetrin dhe jemi thellësisht mirënjohës për secilin vit që ishim të martuar. Nëse do të ishim në dijeni se do të ndahemi pas 25 vjetësh, do ta bënim prapë. Ne kemi pasur jetë të shkëlqyer së bashku dhe ne gjithashtu shohim një të ardhme të përbashkët si prindër, miq dhe partnerë në sipërmarrje dhe projekte. Ndonëse etiketat mund të jenë të ndryshme, ne mbetemi familje dhe miq të dashur”, shtoi ai.
Kujtojmë se Jeff Bezos është themelues i kompanisë gjigante Amazon. Kjo kompani ditë më parë u shpall kompania më e vlefshme në botë, pasi çmimi i aksioneve të saj e ka kaluar atë të Microsoft-it dhe të gjigantëve të tjerë amerikanë të teknologjisë./Lajmi.net/
