Shefi i grupit parlamentar të PDK-së, Memli Krasniqi ka kërkuar nga qeveria që të ofrojë informacione në lidhje me aksionin për deportimin e gjashtë shtetasve turq javën që shkoi.
Krasniqi vlerësoi se informacionet lidhur me këtë zhvillim, siq e quajti ai, të jashtëzakonshëm, janë të mangëta dhe se nuk kanë pranuar asnjë raport lidhur me arsyet dhe rrjedhën e veprimit
“Besoj se mund të pajtohemi se sot na duhet qartësia në lidhje me veprimet që kanë ndodhur”
“Asnjëri nuk mund të jemi indiferent ndaj mënyrës se si është zhvilluar aksioni për deportimin e gjashtë shtetasve turq”është shprehur Krasniqi gjatë seancës së jashtëzakonshme lidhur me rastin e deportimit të shtetasve turq.
Deputeti nga radhët e PDK-së tha se është e domosdoshme që Kuvendi i Kosovës të diskutojë rreth këtij zhvillimi dhe ta thotë fjalën e vet.
