Rajon & Botë

Donald Trump në Skoci: Dalja e Britanisë nga BE, një gjë e madhe

Kandidati Republikan për President të SHBA-ve, Donald Trump e ka komentuar shkurt vendimin e britanikëve për të lënë Bashkimin Evropian. Sipas Trump,”është një gjë e madhe që populli i Britanisë së Madhe e ka rikthyer vendin e tyre” me votimin kundër qëndrimit në BE, shkruan Mirror.

Këto komente Trump i bëri nga Skocia, ku po qëndron për rihapjen e kursit të tij të golfit “Turnberry”.

Ai ka paralajmëruar një konferencë për shtyp, ku pritet që të japë një mendim më të zgjeruar në lidhje me vendimin e Britanisë së Madhe për të lënë Bashkimin Evropian. /KosovaPress/