Ylli i Pop-it Britney Spears, përveçse këngëtarja më ikonike e kësaj rryme muzikore në vite, na ka treguar së fundmi se po përfshihet shpirtërisht edhe në arte të tjera përveç muzikës.
Javë më parë, këngëtaren e pamë përmes një videoje teksa pikturonte me ëndje e argëtohej në verandën e shtëpisë së saj me ngjyrat blu e violë, e në sfond dëgjoheshin tingujt e Moxartit.
Këngëtarja ka menduar që kjo vepër modeste arti të përdoret për një qëllim të vlefshëm.
Piktura me lule e Spears ka dalë në ankand dhe ka kapur vlerën 10.000$! Ajo është blerë nga Robin Leach dhe paratë do të shkojnë për bamirësi për personat e prekur nga fatkeqësia që ndodhi në Las Vegas, sulmi i tmerrshëm terrorist me armë.
Britney është ndjerë krenare për këtë akt, pasi ajo e cilëson Vegas-in si shtëpinë e saj të dytë dhe lulet e pikturës si një fillim të ri.
