Aktuale

Arrestohet pasi i rrahu dy policë në Prizren

Dy policë janë rrahur gjatë kryerjes së detyrës nga një burrë në Prizren, raporton Policia e Kosovës.

Bëhet e ditur se policët kanë pranuar trajtim mjekësor, kurse sulmuesi është arrestuar.

“Është arrestuar i dyshuari mashkull K/Shqiptar pasi që i njëjti ka sulmuar fizikisht dy zyrtar policor derisa ishin në kryerje të detyrës . Të njëjtit kanë pranuar trajtim mjekësor”, thotë PK.

Gjatë kontrollit në veturën e të dyshuarit, PK thotë se është gjetur dhe konfiskuar një shufër metali. I njëjti pas intervistimit me vendim të prokurorit është dërguar në mbajtje.