Koreja e Veriut lëshoi dje një raketë balistike, njoftoi ushtria amerikane.
”Ushtria amerikane e detektoi lëshimin e raketës dhe po ndjek nga afër këtë çështje përpara se të sigurojë hollësi”, tha një zëdhënës i Pentagonit.
Testet e Koresë së Veriut me dy bomba bërthamore dhe me raketa të ndryshme kanë rritur tensionet në Gadishullin Korean që nga fillimi i vitit të kaluar.
Më 4 korrik, Pheniani zhvilloi testin e parë të suksesshëm me një raketë balistike interkontinentale (ICBM) që, sipas analistëve i krijon mundësinë koreanëveriorëve të arrijnë edhe brigjet amerikane me teknologjinë që posedojnë.
Ndërkohë, Senati amerikan miratoi të enjten sanksione të reja kundër Koresë së Veriut.
