Ke marrë çantën e palestrës, një shishe ujë dhe kufjet. Je gati për palestër. Por mos u nxito. Para se të nisesh gjej vend për këto sende bazike që do të kujdesen për ditën tuaj.
Mente
E keni provuar që pas disa orësh djersitje goja thahet dhe ti ndjen një shije të çuditshme? Pas stërvitjes hidh në gojë një mente. Përveç shijes së freskët, menteja ka efekt antiinflamator, antispazmatik dhe antioksidant që ndihmon për të rikuperuar nga ushtrimet.
Një peshqir me mikrofibra
Ndonjëherë ajri i kondicionuar i palestrës prishet. Për këto raste, është jashtëzakonisht e nevojshme të kesh një peshqir për të fshirë djersën e ballit me të cilën po mban trupin në formë. Merr një peshqir me mikrofibra, i cili freskon lëkurën kur laget dhe freskohet sa herë e hap në ajër.
Ankerplast
Kur vesh atlete të reja ose bën ushtrime më të forta boksi, mund të ndodhin dëmtime dhe prerje. Mbaj disa ankerplastë të madhësive të ndryshme për çdo rast.
Peceta të lagura për fytyrën dhe trupin
Nuk ke kohë për dushin pas palestrës? Nuk ka problem. Mund të freskohesh me pecetat specifike, që e pastrojnë lëkurën me aromë kastraveci, mente, aloe vera, vrasin bakteret, eksfoliojnë dhe hidratojnë.
Shampo e thatë
Frymën e ke të freskët dhe fytyrën të pastër. Po tjetër? Flokët. Për të ruajtur krehjen e djeshme, përdor shampo të thatë, në shitje në disa dyqane kozmetike.
