Policia në Maltë ka arrestuar tetë persona për vrasjen e gazetares Daphne Caruana Galizia, e cila me shkrimet e saj kishte qenë kritike e zëshme e qeverisë.
Ajo u vra afër shtëpisë së saj më 16 tetor, në një sulm me bombë që tronditi vendin.
53-vjeçarja ishte e njohur pasiqë në faqen e saj personale akuzonte politikanët më të lartë të shtetit për korrupsion.
Qeveria ofroi shpërblim prej 1 milion eurosh për informacione rreth vrasjes së saj.
Ekspertët ndërkombëtarë, përfshirë edhe FBI-në, u thirrën për të ndihmuar në hetim, transmeton KosovaPress.
