Viti 2016 ka shënuar temperatura të larta që çojnë në thatësira shkatërruese në shumë pjesë të botës.
Me të dhënat nga vetëm nëntë muajt e parë, shkencëtarët janë 90% të sigurt se viti 2016 do të thyej rekordin botëror për vitin më të ngrohtë, njofton BBC.
Temperaturat nga janari deri në shtator ishin 1.2 c mbi nivelet para-industriale.
Organizata Botërore Meteorologjike (WMO), thotë se ato do të mbeten të larta edhe në pjesën tjetër të këtij viti, sa për të kaluar ato të vitit 2015, transmeton KosovaPress.
El Nino ka pasur një ndikim, por faktori më i rëndësishëm i ngritjes së temperaturave vazhdon të jetë emetimet e dioksidit të karbonit.
