Militantë të dyshuar islamikë vranë të paktën 18 persona dhe plagosën disa të tjerë gjatë një bastisjeje në një restorant në kryeqytetin e Burkina Faso gjatë natës.
Forcat e sigurisë vranë të dy sulmuesit dhe njerëzit e bllokuar brenda ndërtesës u liruan.
“Ky është një sulm terrorist”, tha ministri i komunikimit Remi Dandjinou në një konferencë për media të hënën, raporton Reuters.
Burkina Faso, ashtu si vendet e tjera në Afrikën Perëndimore, është shënjestruar në mënyrë sporadike nga grupet xhihadiste.
Shumica e sulmeve kanë qenë përgjatë kufirit të saj me Malin, vend ky i njohur për veprimtari nga militantët islamikë për më shumë se një dekadë./KosovaPress/
